Nú er vika í loftslagsráðstefnuna í Kaupmannahöfn og pólitíkusarnir eru nú þegar farnir að pússa látúnsbarkana til þess að geta flutt okkur einhvern fagurgalann um það hvernig allt verður allt í lagi, ef aðeins við treystum þeim og þeirra smjaðri og kaupum nóg af orkusparandi ljósaperum.
Á meðan sendir Svartsokka baráttukveðjur til allra þeirra sem eru farnir að undirbúa róttæk mótmæli á götum Kaupmannahafnar. Um leið vill hún benda þeim sem ekki ætla á staðinn á að skipuleggja samstöðumótmæli með félögum okkar erlendis.
