En hver getur mætt og sýnt samstöðu klukkan 8:30?

Talaðu við vinnuveitandann þinn, slepptu því að fara í fyrirlesturinn í skólanum, finndu leið til að mæta því aldrei hefur misbeiting valds verið eins opinber og nú. Með því að mæta fyrir framan héraðsdóm með fána, lúðra, trommur, o.s.f.v. geturðu tekið þátt í sirkusnum. Hljóðfæri eru svo sannarlega bönnuð inn í Héraðsdóm en hvað er sirkus án tónlistar?

Stuðningsyfirlýsing

“Niðurrifin munu hraða á umbótum á samgöngukerfinu sem setja á upp í kringum leikana” er haft eftir yfirlýsingu borgaryfirvalda.

Lögreglan beitir ofbeldi óspart gagnvart íbúum hverfisins og hafa tugir manns verið barðir til óbóta samkvæmt South China Morning Post. “Við munum verjast þar til þeir drepa okkur” segir einn íbúana í samtali við blaðið. Lögreglan hefur gengið berserksgang í hverfinu og gengið í skrokk á fólki fyrir það eitt að vera nálægt atburðinum. Íbúarnir hafa neitað að færa sig og svarað lögregluofbeldinu með grjótkasti sem svara tilbaka með táragasi.

Borgarfulltrúar eru einnig ásakaðir um spillingu með því að úthluta lóðareignum undir markaðsverði til þeirra fyrirtækja sem munu koma til með að endurgera hverfin.

Fyrr í sumar samþykktu borgaryfirvöld tillögu um niðurrif á 22 palestínskum heimilum í Silwan til að byggja fornminjagarð.

Vegurinn á að draga úr krónískri umferðarteppu sem myndast nálægt Sheremetyevo flugvellinum og tengir Moskvu við Sankti Pétursborg.

Nokkrum dögum áður höfðu þúsundir manns safnast saman á Pushkin torgi á tónleika sem haldnir voru til að vekja athygli á málstaðnum. Skógurinn er friðaður og vistkerfi þess stefnt í voða ef rist verður í gegnum hann með þessum hætti. Margra alda gamall eikarskógur, elgir, villisvín og fjöldi fuglategunda verða einnig í hættu. Trönuberjamýri í skóginum mun hverfa og  óvíst er um engi Klyazma árinnar sem rennur þarna í gegn.

Baráttan hefur skilað miklum árangri og þann 27.ágúst voru fyrirætlanir yfirvalda settar í biðstöðu þar til mat hefur verið gert á vistfræðilegum skaða sem framkvæmdirnar munu valda.

Smelltu hér til að hlusta.

Tilvitnanir úr þættinum:

• “Margir voru sárir fyrir að hafa ekki verið látnir vita, því allir hefðu viljað vera með”
• “Presturinn tók að sér hlutverk ljósmyndara”
• “Ánægjulegt andrúmsloft, fólk var með börn sín og allir voru
  glaðir og ánægðir. Fólk taldi sig ekki vera að vinna
  glæpaverk heldur gott og þarft verk”
• “Síðar sýndi sagan svo að fólkið hafði rétt fyrir sér.”
• “Okkur fannst það ekki vera lögbrot að eyðileggja stíflu sem
  hindraði silunginn í að komast upp ána”.
• “Það sem einkenndi andrúmsloftið var þessi skæruliðalega vissa”
• “Þetta byrjaði nú á því að mistakast því það voru ekki vanir menn
  sem handlöguðu sprengiefnið”
• “Á endanum tókst það nú og þegar hún sprakk var þetta mikil
  tilfinningastund”
• “Það voru allir tilbúnir að standa saman og taka afleiðingunum”
• “Við hugleiddum ekki að lögregla myndi koma á staðinn. En
  stemninginn var nú bara þannig að lögreglunni hefði ekki verið
  hleypt að til að stoppa verkið”.
• “Við höfðum svolítið af dínamíti svo að við vorum viss um að fá
  nokkuð rennsli í gegn”
• “Ungir námsmenn tóku umfjöllunina upp á sína arma og það varð
  okkur gríðarlega mikilvægt”.
• “Laxárdeilan snerist fyrst um hagsmuni en síðar um andóf gegn
  yfirgangi Landsvirkjunar”
• “Við fengum þá ráðleggingu frá Gissuri lögfræðing að svara sem
  minnst. Að segja að við vissum það ekki eða mundum það ekki.”
• “Dramatískasta sagan í þessum yfirheirslum var frá einum bóndanum
  í Vogum. Hann sagðist hafa heyrt ána kalla “ég er frjáls, ég er
  frjáls”
• “Við leituðum til mannréttindanefndar í Brussel en það tókst ekki”
• “Þessi hópur var búinn að ákveða það að Laxárstíflann yrði ekki
  reist og hann var reiðubúinn að halda áfram ef þessi aðvörun
  dygði ekki”
• “Stíflan var byggð án löglegs leyfis og það notuðum við sem vopn
  í baráttunni”
• “Ég trúi því ekki að slík vopn séu til staðar í dag í baráttunni gegn Kárahnjúkum og öðrum virkjunum”.

Samarendra Das er annar höfunda bókarinnar Out of This Earth: East India Adivasis and the Aluminium Cartel, sem hefur verið kölluð svartbók áliðnaðarins. Skoðun höfunda er sú að álfyrirtækin séu keyrð áfram af alþjóðlegum auð- og einokunarhringjum sem sam…anstanda af námufyrirtækjum, fjárfestingarbönkum, ríkisstjórnum, málmkaupmönnum og
vopnaframleiðendum. Einnig lýsa þeir hvernig álframleiðslufyrirtækin arðræna samfélög og steypa þeim í vítahring skulda. Samarendra Das mun hefja fundinn með því að gera grein fyrir helstu niðurstöðum bókarinnar.

Í ljósi rannsókna Das er vert að spyrja hvort það sé samband milli bágs ástand efnahagslífs hér á landi og byggingu virkjana og álvera eða hvort bygging fleiri álvera sé sú lyftistöng sem íslenskt efnahagslíf þurfi á að halda. Jón Þór Sturluson, dósent við Viðskiptadeild Háskólans í Reykjavík, mun bregðast við sjónarmiðum Das og hefja umræður um þau.

Meira:

Námufyrirtæki með lögreglu í vasanum

Adivasi

Í  síðustu viku var 30 smánámum lokað í Chile vegna brots á öryggiskröfum. Umfjöllun Reuters fréttastofunnar um málið ber þó keim af því að fréttastofan dragi taum námufyrirtækjanna fremur en starfsfólksins, þar sem einungis er talað við talsmenn námufyrirtækja og halda þeir fram að Chile sé nú á nornaveiðum gegn námufyrirtækjum. Lokun námufyrirtækjanna veldur um 2.000 tonna minnkun á koparframleiðslu í landinu, sem er um 0.04% af vergri þjóðarframleiðslu. Með því er gefið í skyn að koparframleiðslan sé það mikilvægt að réttlætanlegt sé að ógna lífum og heilsu fólks fyrir hana. Ekki virðist fréttastofunni þykja vert að minnast á umhverfisáhrifin í þessu samhengi.

Í breska dagblaðinu Independent er hins vegar annað uppi á teningnum þar orsakir slyssins eru raktar til græðgi eigenda þess, þar sem þeir gátu aukið hagnað með því að flaska á öryggisráðstöfunum, ekki svo ólíkt því sem átti sér stað í sprengingunni á Deepwater Horizon olíuborpallinum í Mexíkóflóa fyrir örfáum mánuðum. Eigendur fyrirtækisins eiga hugsanlega yfir höfði sér ákærur vegna brots á öryggisreglum, eins og þeim að ekki var gert ráð fyrir neyðarútgangi. Verkalýðsfélög í nágrenninu höfðu áður reynt að fá námunni lokað vegna þessa en án árangurs. Stjórnvöld höfðu fyrirskipað lokun námunnar í kjölfar þess að námuverkamenn létu lífið í henni árin 2006 og 2007. Ári síðar var gefið út leyfi fyrir opnun hennar á ný, þrátt fyrir að neyðarútgangi, sem hefði getað bjargað mönnunum 33, hefði ekki verið komið fyrir. Leyfið var gefið út af einum embættismanni sem í raun hafði ekki vald til þess að gefa út slíkt leyfi og hafa komið fram ásakanir um að mútur hafi átt sinn þátt í veitingu leyfisins.

Independent rekur brot á þessum öryggisráðstöfunum til valdatíðar Augusto Pinochet, sem barði verkalýðsfélög niður með hörku en síðari ríkisstjórnir hafi ekki snúið við lögum sem takmarka getu verkalýðsfélaga. Þar kemur einnig fram að í Chile séu einungis 16 námueftirlitsmenn sem sinni eftirliti með 4.500 námum. Eins og gefur að skilja hafa þessir eftirlitsmenn tæpast mikið vald gegn námurisum með djúpa vasa til að borga embættismönnum og stjórnmálamönnum fyrir undanþágur frá lögum og reglum. Á þessu ári hafa nú þegar 31 maður látið lífið í námuslysum í Chile.

Hann talar einnig um hlutverk lögreglunar í mótmælum og hvernig hún virðist misskilja hlutverk sitt og telji það vera að uppræta öll mótmæli með valdbeitingu og handtökum.

Unnur Birna Karlsdóttir, sagnfræðingur, veltir fyrir sér spurningu eins og hvernig getur einn þingmaður ákveðið að selja orku til langtíma til stórfyrirtækis í vafasömum iðnaði?

Stuttlega er farið yfir Laxárdeiluna svokölluðu en 25. ágúst árið 1970 var miðkvíslarstífla, ein þriggja kvísla Laxár, rofin með dínamíti, handverkfærum og dráttarvélum. Í Héraðsdóm var refsing látin niður falla en hæstiréttur dæmdi þá sem lýstu yfir ábyrgð á verknaðinum til skilorðsbundnar sektar. Hægt er að lesa meira um Laxárdeiluna á vef Unnar Birnu sem fram kom í þættinum.

Svartsokka hvetur ykkur til að hlusta á þáttinn en hann er hægt að finna með því að smella hér fyrir neðan:

Víðsjá / föstudagur – 27.ágúst

Átök halda áfram í Mogadishu, höfuðborg Sómalíu, milli hermanna stjórnvalda og íslamskra uppreisnarmanna, þriðja daginn í röð.
Sex óbreyttir borgarar féllu í sprengingu í nótt og a.m.k. 18 eru særðir eftir átökin síðasta sólarhring.
AFP fréttastofan skýrir frá því að sómalskur fréttamaður hafi lent í víglínunni og verið skotinn til bana.
Hann er annar fréttamaðurinn sem fellur í átökum í Sómalíu á þessu ári.
Í átökunum nú er talið að 65 manns hafi látist, þar af 30 þegar uppreisnarmenn réðust á hótel í Mogadishu í gær.

Ofangreind grein var birt á mbl.is miðvikudaginn 25.ágúst.

Al Shabab er hreyfing sem lýst hefur yfir heilögu stríði gegn vestrænni íhlutun í landinu og má þá sérstaklega nefna Sameinuðu þjóðirnar og Frjáls félagasamtök* (NGO´s). Fréttin er eflaust þýdd lauslega af erlendri síðu og sneydd allri mögulegri gagnrýni eða sett í einhverskonar sögulegt samhengi. Það sem mbl.is setur ekki fram í lok fréttarinnar er að á þessu hóteli voru stjórnmálamenn og aðrir valdhafar (aljazeera.net) og beindist aðgerðin að þeim.

Ef stjórnvöld í Sómalíu eru skoðuð aðeins nánar þá bera þau þann óheppilega titil að vera spilltasta ríkisstjórn á hnettinum, eða í 180. sæti (Transparency International’s Corruption Perception Index). Ríkisstjórnin reiðir sig ekki á reglulegar tekjur í formi skatta né annar greiðslna og 90% af tekjum þjóðarbúsins koma frá frjálsum framlögum, hvaðan sem þau nú koma. Það er meira af byssukúlum í Sómalíu en matur og lyf samanlagt. Helmingur Mataraðstoðar SÞ og World Food Program er reglulega stolið af hermönnum ríkisins og samkvæmt nýlegri skýrslu SÞ er talið að yfirvöld séu í samstarfi við sómalska sjóræningja.

SÞ og NGO samtök hafa hinsvegar verið mikið gagnrýnd fyrir að tala ekki opinskátt um nöfn stjórnmálamanna í Sómalíu sem hafa orðið uppvísir að spillingu og sú þöggun hamlar verulega möguleikanum á einhverjum umbótum í landinu. En er umbætur endilega af hinu góða? Oft er kerfið svo rótgróið að það þarf að bylta ríkjandi kerfi algjörlega og reisa nýtt, byggt á nýjum hugmyndum, eða gömlum. Það getur orðið erfitt að reyna að réttlæta morðin sem framin voru á valdhöfum landsins í gær. Valdhafar landsins hafa orsakað mikla fátækt og þ.a.l. ótímabæran dauða fólks með stríðsherra-stefnu sinni. Það er ekkert sem tryggir að ef uppreisnarmenn komast til valda að ástandið skáni en það verður varla verra.

Það er mjög auðvelt að taka einn atburð og gera hann að ódæðisverki með því að aðskilja raunverulegt samhengi hans. En til hvers að útskýra hlutina eitthvað nánar? Svona frétt verður að vera stutt og krassandi svo fólk nenni að lesa þær og þurfi ekki að mynda sér skoðun á málinu. Hver nennir eiginlega að lesa einhverjar langlokur um pólitíska sögu Sómalíu og þurfa svo að taka afstöðu sem er hvort eð er óþægileg fyrir alla?

Sana Sikaka var sleppt 12 tímum eftir að hann var handsamaður en Lado var haldið í tvo sólahringa á lögreglustöð þar sem hann var yfirheyrður og barinn af lögreglu, og látinn skrifa undir einhver skjöl en hvaða skjöl það voru gat hann ekki vitað því hann er ólæs. Spurningum líkt og “hvers vegna viljið þið ekki fá námu” og “hvers vegna eruð þið á móti [námufyrirtækinu] Vedanta” var dembt yfir þá á meðan þeir voru í varðhaldinu, sem er talið hafa verið leið til að hræða þá til hlýðni. Fólk í héraðinu hefur áður talað um að lögregla sé notuð til að ógna þeim en hún hefur sjaldnast gengið svo langt að handtaka þekkta þorpsleiðtoga og halda þeim án nokkurrar ákæru.

Námufyrirtækið Orissa Mining Corporation er eigandi námunnar en það er undirfyrirtæki breska fyrirtækisins Vedanta, en nánar má lesa um athafnir Vedanta í Orissa héraði í 2.tbl Rósta (www.rostur.org). Hægt er að kynna sér afbrot fyrirtækisins og þjáningu sem það hefur valdið á vef Saving Iceland

* www.independent.co.uk

Það má rekja ástæður hörmunganna til stíflu sem var smíðuð tímabundið sem CDM verkefni til að selja útstreymisheimildir. Það fyrirkomulag, að gera mengunarkvóta að viðskiptatækifæri, hefur verið gagnrýnt gríðarlega og hægt að lesa meira um það í greininni Don´t Buy the Lie sem birtist á Svartsokku í kringum Loftslagsráðstefnu SÞ sem haldin var í Kaupmannahöfn í lok síðasta árs.

Undanfarna daga hefur rigningarvatn safnast fyrir aftan stífluna vegna mikils óveðurs og orðið að 3 km löngu fljóti sem flæddi svo yfir og endaði með ofangreindum hörmungum.

Fjölmiðlar virðast ekki ætla að setja aurskriðurnar í stærra samhengi og fjalla um ástæður hörmunganna. Það kemur þó ekki á óvart og er Haítí síðasta dæmið um hvernig björgunaraðgerðir vesturlanda tóku yfir alla umræðu sem skapaðist en ekki ágang Bandaríkjanna á skóglendi Haítí síðustu aldir.

Crimethinc hefur tekið saman nokkur mál sem voru sótt gegn aðgerðarsinnum þar sem reynt er að ákæra á grundvelli laga sem hafa ekkert með athæfið að gera.

The Age of Conspiracy Charges

Að sögn sjónarvotta hóf ísraelskir hermenn skothríð um leið og þeir stigu um borð í bátinn

Íbúum Gaza svæðisins hefur verið haldið í einangrun frá því árið 2007. Ísrael hefur lagt bann við innflutningi til svæðisins, fyrir utan naumt skammtaða neyðaraðstoð sem flutt er inn af alþjóðlegum hjálparsamtökum. Bannið hefur valdið því að meirihluti allra heimila á Gaza svæðinu fá ekki uppfyllt matarþörfum sínum og hafa heldur ekki daglegan aðgang að vatni. Á svæðinu ríkir því algjör skortur á nauðsynjavörum.

Í fyrsta tölublaði Rósta var fjallað um það að tvenn hjálparsamtök, Hreyfingin fyrir frjálsri Gaza og Tyrkneski hjálparsjóðurinn, hefðu uppi áætlanir um að senda smáflota til Gaza svæðisins með hjálpargögnum fyrir íbúa svæðisins. Fréttin hljóðaði svo:

Hreyfingin fyrir frjálsri Gaza (Free Gaza Movement) og Tyrkneski hjálparsjóðurinn (Turkish Relief Foundation) hafa sent frá sér tilkynningu þar sem þau opinbera áform sín um að senda í sameiningu smáflota, sem samanstendur af 10 skipum, til hins umsetna Gaza-svæðis í vor. Fleiri samtök, frá Grikklandi, Írlandi og Svíþjóð, hafa einnig tilkynnt að þau muni senda skip sem slást munu í för með smáflotanum. Yfirmaður Tyrkneska hjálparsjóðsins, Bulent Yildirim sagði í tilkynningunni: „Við munum sigla af stað til Gaza með vorinu, og áfangahöfn okkar er frelsi; frelsi fyrir þá einu og hálfu milljón Palestínubúa sem neitað er um rétt sinn til að endurbyggja samfélag sitt. Við munum ekki hætta siglingunum fyrr en Ísrael afnemur umsátrið.“

Auk farþegaskipa sem munu ferma stjórnmálamenn frá ýmsum heimshornum, fréttafólk og mannréttindabaráttufólk til svæðisins, mun flotinn samanstanda af tveimur gámaflutningaskipum sem bæði verða drekkhlaðin af varningi sem Ísrael hefur haldið uppi banni við að sé fluttur til Gaza svæðisins síðan árás þeirra á íbúa landsvæðisins lauk fyrir ári síðan. Hér er um að ræða byggingarefni, rafstöðvar og námsefni svo fátt eitt sé nefnt. Annað gámaflutningaskipanna fengu samtökin afhent frá Perdana sjóðnum í Malasíu en hitt er í eigu Tyrkneska hjálparsjóðsins. „Þetta ólöglega umsátur Ísraela og stöðug þvermóðska þeirra hafa alþjóðleg lög og reglugerðir að athlægi. Heimsborgarasamfélagið vill sýna fram á, að ef ríkisstjórnir okkar eru ekki tilbúnar til að taka afstöðu gegn, og stöðva hrottalega meðferð Ísraela á palestínska fólkinu, þá erum við tilbúin til þess í þeirra stað.“ segir í tilkynningu frá Tyrkneska hjálparsjóðnum.

Í ágúst árið 2008 sendi Hreyfingin fyrir frjálsri Gaza tvö skip til svæðisins. Þetta voru fyrstu erlendu skipin til að leggja að höfn þar í 41 ár. Síðan þá hefur sjö sinnum verið siglt með hópa af stjórnmálafólki, meðlimi mannréttindasamtaka og fjölmiðla til svæðisins, svo þau geti borið vitni um þá eyðileggingu og hörmung sem fólkið á Gaza svæðinu þarf að lifa við af hendi Ísraela. Þessar siglingar fara mikið fyrir brjóstið á Ísraelum, sem grípa sífellt til meira harðræðis til að hindra að þær nái til áfangastaðar síns. Þrjár seinustu ferðirnar hafa verið stöðvaðar af ísraelska flotanum í trássi við lög. Sú fyrsta var stöðvuð í desember 2008, en þá sigldi ísraelski flotinn inn í skipið Dignity á meðan það var enn statt á alþjóðlegu hafsvæði. Skömmu seinna var Spirit of Humanity snúið við undir hótunum um að allir um borð yrðu skotnir ef skipinu yrði ekki snúið við. Það skip snéri aftur til Gaza sumarið 2009 en var aftur stöðvað og í það skiptið fangelsaði ísraelski flotinn alla áhöfnina og farþega skipsins í viku.

Í morgun bárust fréttir af því að ísraelskir hermenn hafi skotið á flotann, sært fjölda manns og drepið nítján. Þetta átti sér stað á meðan flotinn var enn á alþjóðlegu hafsvæði. Ísraelski herinn ber það fyrir sig að á hann hafi verið ráðist, með vopnum og „beittum áhöldum“. Hvort um hafi verið að ræða eldhúshníf, eða vel yddaðan blýant, á móti brynjuðum hermönnum skal ósagt látið. Á engum af þeim myndum og myndskeiðum sem birst hafa af atvikinu má sjá að áhöfn skipsins beri vopn, eða geri sig líklega til að verjast árásum Ísraelshers.

Það er þó athyglisvert að fylgjast með viðbrögðum alþjóðasamfélagsins, þar sem stjórnmálamenn vara sig á að fordæma árásirnar, en tala þess í stað um að rannsaka þurfi hvað átti sér stað. Almenningur hefur hins vegar brugðist snarlega við og efnt hefur verið til mótmæla gegn framförum Ísraela víða um heim. Hér á landi fara slík mótmæli fram á vegum samtakanna Ísland-Palestína, við Utanríkisráðuneytið kl. 17 í dag (31.maí).

Svartsokka vil kalla þennan viðburð námskeið því eflaust er hægt að læra ýmislegt af fyrirlestrum þeirra sem að námskeiðinu standa og þeim umræðum sem skapast í kringum þá. En hvað er annars borgaraleg óhlýðni?

Wikipedia gerir hugtakinu ágætis skil:

Borgaraleg óhlýðni felst í því að fara ekki eftir ákveðnum lögum, kröfum eða skipunum stjórnvalda eða yfirvalda án þess að beita líkamlegu ofbeldi. Borgaraleg óhlýðni hefur verið notuð í mótmælaskyni, svo sem gegn breskri heimsvaldastefnu á Indlandi, aðskilnaðarstefnu í Suður-Afríku og í Evrópu gegn nasistum. Bandaríski rithöfundurinn Henry David Thoreau ruddi braut nútíma hugmynda um borgaralega óhlýðni í ritgerð sinni „Resistance to Civil Government“ árið 1849 (Wikisource). Frægustu einstaklingarnir sem beitt hafa þessum aðferðum eru líklegast Mahatma Gandhi og Martin Luther King.

Vísindavefurinn tekur aðeins öðruvísi á málinu:

Borgaraleg óhlýðni í þessum skilningi er pólitísk athöfn í tvenns konar skilningi. Annars vegar er hún ákveðin tegund af opinberum andmælum gegn ríkjandi valdi, og hins vegar liggur réttlætingin fyrir henni ævinlega í almennum skilningi á réttlæti í samfélaginu. Og þótt borgaraleg óhlýðni feli oft í sér réttmætt andóf, þá er hún einungis réttmæt ef aðrar leiðir eru annaðhvort fyrirfram útilokaðar eða hafa verið reyndar til þrautar.

Flestir heimspekingar eru sammála um að í borgaralegri óhlýðni felist að (i) brotið er gegn lögum eða reglum, (ii) markmið lögbrotsins er ekki einstaklingsbundinn hagur eða sérhagsmunir tiltekins hóps heldur almannaheill, til dæmis réttlæti, (iii) lögbrotið er framið fyrir opnum tjöldum, oftast til að vekja athygli á tilteknum málstað, (iv) athöfnin felur ekki í sér ofbeldi og (v) sá sem brýtur af sér tekur við refsingu sinni án nokkurra tilrauna til undanbragða.

En af hverju þarf borgaraleg óhlýðni endilega að forðast ofbeldi? Ástæðan er sú að markmiðið með borgaralegri óhlýðni er réttlæti og með því að forðast ofbeldi birtist krafan um réttlæti í sjálfri athöfninni. Með því að beita sjálfur ofbeldi myndi gerandinn viðurkenna réttmæti ofbeldis og þar með grafa undan eigin málstað. Einnig má hafa í huga að svar yfirvalda við óhlýðninni, ef henni er mætt á annað borð, felur oft í sér beitingu líkamlegs ofbeldis. Sá sem óhlýðnast viðurkennir að vissu leyti slíkar aðferðir með því að beita ofbeldi sjálfur. Það er ekki heldur markmið óhlýðninnar að “sigra” í baráttu við yfirvöld á einhverjum þeim vettvangi þar sem ofbeldi ræður úrslitum, enda væri óhlýðni borgarinn þá dæmdur til að “tapa”.

En af hverju skyldi sá sem stundar borgaralega óhlýðni ekki forðast refsingu? Ástæðan er sú að borgaraleg óhlýðni felst í því að óhlýðnast sem borgari, það er að þrátt fyrir að viðkomandi óhlýðnist tilteknum lögum eða reglum, þá virðir hann eftir sem áður þá staðreynd að lög og reglur eru grundvöllur samfélagsins. Að því leyti fer honum líkt og manni sem er ósammála leikreglum en spilar samt leikinn og virðir reglurnar í verki. En með því að láta refsinguna yfir sig ganga leiðir sá óhlýðni oft skýrt í ljós ranglætið sem var skotspónn óhlýðninnar.

Nóg er til af dæmum sem ræða má ofan í kjölinn. Þessa stundina er t.d. verið að rétta yfir 9 einstaklingum sem sakaðir eru um að stofna sjálfræði Alþingi í hættu. Þetta mál er ágætis dæmi um borgaralega óhlýðni. Þetta er einnig gott dæmi um pólitískar ofsóknir ríkisvaldsins í garð borgara en það er efni í aðra grein.

Hópur fólks fer inn í Alþingishúsið, fylgir ekki fyrirmælum þingvarða um að halda sig úti og fer upp á þingpallana með það markmið að reka meðlimi alþingisklíkunnar út. Óhlýðnin við þingverðina virðist vera kjarni málsins hér en þeir hafa leyfi til að neita fólki um aðgang að þingpöllum á forsendum sem Svartsokka hefur enn ekki fundið í neinum ritum, reglugerðum eða lögum.

Svartsokka hvetur þig til að mæta í kvöld klukkan 20:00 og kynna þér borgaralega óhlýðni. Okkur ber enginn skylda til að fara eftir lögum sem stríða gegn réttlætis- og siðferðiskennd okkar.

A Bicycle Collective is being planned to start this summer. What is a Bicycle Collective? Here is a mission statement from a BC in Canada:

“Bike Pirates in an autonomous organization whose mission is to empower cyclists and make bicycles more accessible. Volunteer-run and volunteer-organized, Bike Pirates provides a Do-It-Yourself workspace to the members of the community and supports the concepts of bicycle re-use, collective decision making, and social justice.” – Piratebikes

People bring bikes that they would otherwise throw away and we use them as parts or help other people fix them up.

Don´t think it´s about us fixing bikes 8 hours a day and give them away. It´s rather to offer people workspace to show up with their bike and fix it with guidance from others. Those same people can then use their new know-how and spread the wealth.

We´ve already gotten access to a workshop close to Hlemmur which solves the biggest problem of starting a project like this one.

The first meeting is planned on Thursday 13th of May 19:00 o´clock at the workshop it self.

Send an email to svartsokka (at) svartsokka.org if you are interested in joining the project and we will get the information along.

NATO BURT – stuðningsmenn aðgerða gegn valdnýðslu

Þessi montstytta NATO á ekki að fá að standa þarna í friði. Hún er minnisvarði um fjöldamorð og valdníðslu.

Að útata styttu í málningu breytir engu. En það þarf að senda ákveðin skilaboð. Við viljum að þessi stytta verði ekki látin í friði fyrr en NATO hverfur.

Að lokum hvetjum við til frekari aðgerða.

Síðastliðinn föstudag var hús tekið yfir að Vesturgötu 51.

Í tilkynningu frá hústökufólkinu kemur fram að í dag standi „fjölmörg hús yfirgefin og ónýtt, á meðan fólk berst við
kerfið og bankana til þess að halda þaki yfir höfði sér og fjölskyldu sinnar. Öll félagsleg starfsemi sem fylgir ekki nútíma
hugsun um gróða og völd á sér hvergi stað. Sköpun og líf er ekki jafnrétthátt í samfélagi dagsins í dag og „eignaréttur“
og pappírshald. Vegna þessa eru auð hús sem leyft er að grotna niður móðgun við fólkið í samfélaginu.“

Nánari upplýsingar um hugmyndafræðina að baki hústökunni má finna á vefnum hustaka.org.

Aðgerðir hljóma hærra en orð er grein þýdd að hluta til úr texta eftir Derrick Jensen þar sem talað er um viðbrögð fólks við misþyrmingu af hálfu arðræningja. Jensen nefnir að hugtökin ofbeldi og framleiðsla séu samheiti. Innan valdapýramídans er framleiðsla notað af yfirvöldum og einkafyrirtækjum þegar frumbyggjar og aðrir minnihlutahópar eru rændir og myrtir en þegar spyrnt er við fæti fær heimurinn að heyra að ofbeldi hafi verið beitt af hálfu innfæddra.

Lögregla og samfélag var sérstaklega áhugaverð. Andúð á lögregluþjónum er lögð til hliðar og hlutverk stofnunarinnar greint út frá einkarétti ofbeldis og þannig mjög tengd Aðgerðir … eftir D. Jensen.

Lögreglunni er ætlað að framfylgja lögum.þeir sem ákveða landslög mynda annan lítinn og félagslega afmarkaðan hóp sem er nátengdur þeim hæst settu innan valdapýramídan efnahagskerfisins. Eðli tengslanna milli þessara tveggja félagshópa sýna sig þegar lögbrot eiga sér stað meðal þeirra hátt settu; lögreglan getur ekki beitt sér gegn yfirmönnum sínum. Þar með er flett ofan af tilverugrunni lögregluembættisins því opinbert markmið embættisins er að lögum sé framfylgt.

Í greininni Falldýfa Sundkappans er fjallað um aðdraganda óeirðana í Grikklandi. Svartsokka vil benda á greinina Róstur í Grikklandi sem birtisti í Róstum þar sem fjallað er um óeirðirnar sjálfar. Einnig hvetur Svartsokka ykkur lesendur til um að skoða óháða miðla sem birta efni um það pólitíska ástand sem ríkir í Grikklandi. Háðir miðlar eru einfaldlega of uppteknir að tala um skuldastöðu landsins og hættuna sem stafar af Evrunni ef hagkerfið þar hrynur.

Tískukistinn, saga Cristianíu, ritdómar, ljóð og fleira.

Það er eitthvað bogið við fyrirbærið siðmenning og ákefð vestrænna ríkja að koma henni á líkt og ákefð landkönnuða að koma á kristinni trú  í “nýja heiminum”. Sumir myndu kalla þessa ákefð þróun. Svartur Svanur gerir þessari ákefð góð greinaskil.

Heyrst hefur að aðstandendur blaðsins muni dreifa sér um borgina á föstudag og laugardag og kynna blaðið. Hægt verður að nálgast blaðið í Kolaportinu, Kringlunni, Smáralind, Hlemm, Mál & Menningu og tala þar beint við fólkið sem tók þátt í gerð blaðsins með einum eða öðrum hætti .Einnig er hægt að fá blaðið sent heim ef sendingarkostnaður er greiddur en Svartsokka hvetur fólk hinsvegar til þess að hafa samband við blaðið og komast að því hvar hægt sé að nálgast það. Svartsokka fékk senda mynd af blaðastandi sem hægt er að fá sendan til að taka þátt í dreifingu blaðsins og honum fylgja 20 eintök.

Svartsokka ber miklar væntingar til Rósta og þá hugmyndafræði sem býr að baki blaðinu. Prentmiðill án auglýsinga verður eflaust tormeltur í fyrstu. Að hlutfallið sé 100% efni / 0% auglýsingar í stað 50% efni / 50% verður eflaust til þess að blaðið fari ekki í ruslið eftir lesningu heldur að það verði geymt áfram til frekari lesturs síðar. Blaðið verður einnig með hefðbundnu sniði, þ.e.a.s. innlendar og erlendar fréttir, aðsendar greinar, kvikmynda-  og bókagagnrýni, o.s.f.v.

Vonandi munu Róstur vekja samfélagið til umhugsunar um hvert það stefnir.

Sumar myndirnar eru í formi torrent-skráa. Í þeim tilfellum þarf notandi að sækja sér forrit á borð við uTorrent sem sækja má hér. Þegar forritið hefur verið sett upp í tölvunni þarf bara að smella á torrent-tengilinn og velja að opna skránna með uTorrent sem mun sjá um niðurhalið. Eini ókosturinn við torrent-skrárnar er að til að fleiri geti sótt myndirnar þarf fólk að dreifa þeim áfram, seeda þeim, sem gerist sjálfkrafa svo lengi myndin liggur á harða disknum þar sem hún var vistuð. Ekki eru allir notendur jafn duglegir við þetta og veldur það því að oft ‘deyja’ torrent-skrár, þ.e. engir notendur eru eftir með alla myndina til dreifingar.

Því er meirihluti myndanna vistaðar á Rapid Share. Þar liggja þær í 100-200MB bútum sem þarf að niðurhala og opna í Winrar forritinu (niðurhal hér) til að pakka út myndinni sjálfri.
Rapid Share reynir auðvitað að fá fólk til að kaupa sér forréttindaaðgang að hýslum þeirra með því að leyfa ókeypis notendum eingöngu að sækja eina skrá í einu með u.þ.b. hálftíma biðtíma á milli skráa, sem getur verið hvimleitt ef verið er að sækja mynd sem er bútuð í marga hluta. Í slíkum tilfellum er mælt með að sótt sé forritið Download Manager (hér). Með því er hægt að klippa og líma alla tengla fyrir viðkomandi mynd inn í forritið, sem sér svo um að sækja bútana einn af fætur öðrum.

Ef tengill við mynd hættir að virka hafið vinsamlegast samband við Svartsokku og hún mun uppfæra eða fjarlægja tengilinn.

Þá er bara að taka fram skippaða poppið og djúsinn, bjóða vinum og vandamönnum í heimsókn og vonandi eiga uppbyggilegar og innblástursríkar umræður um efni myndanna.

Bið eftir mataraðstoð. Mynd frá Guardian.

Líkt og flestum er kunnugt um varð mjög harkalegur jarðskjálfti á Haiti nýlega. Viðbrögð allflestra við slíkum fréttum eru samstundis samúð með fórnarlömbum skjálftans og aðstandendum þeirra og hefur ákalli um neyðaraðstoð verið sinnt vel víðast hvar. Á sama tíma eru þó alltaf einhverjir sem eru tilbúnir til að hagnast á ástandinu og notfæra sér það í vil, annað hvort í efnahagslegum eða pólitískum tilgangi. Nú kemur upp sú hætta að þessir óprúttnu aðilar geri slíkt hið sama í eftirleik jarðskjálfans og komi óvinsælum efnahags“umbótum“ í gegn á meðan aðrir eru of uppteknir við að aðstoða fórnarlömbin til að fylgjast með hvað á sér stað.

Haiti er eitt af fátækustu ríkjum heims sem veldur því að það á afar erfitt með að takast á við jarðskjálfta af þessari stærðargráðu. Ástæður þessarar fátæktar má rekja til gjörða fyrrum þrælahaldara og nýlenduherra á svæðinu, Frakklands, Bandaríkjanna og Bretlands. Til að bæta gráu ofan á svart kemur hreðjatak Bretton Woods stofnananna í veg fyrir möguleika landsins til að vinna sig upp úr fátæktinni. Rétt eftir skjálftann bauðst Alþjóðagjaldeyrissjóðurinn (IMF) til að veita Haiti skilyrt lán til uppbyggingar. Skilyrðin hefðu að öllum líkindum falið í sér hækkað rafmagnsverð og bann við launahækkunum ríkisstarfsmanna. Í raun hefði sjóðurinn með þessu verið að nýta sér eymd eyjarskeggja til þess að koma í gegn efnahagsstefnu að sínu skapi. Vegna mikillar andstöðu við þetta frá almenningi víðs vegar um heiminn virðist þó sem sjóðnum hafi snúist hugur og hafa borist fréttir um að IMF hafi í stað lánsins boðist til að veita styrk til Haiti.

Þetta breytir þó ekki því að Haiti þarf enn að burðast með skuldir fyrrum þrælahaldara sinna og nýlenduherra (sjá hér) þrátt fyrir að hafa borgað upp um sextíu prósent skuldarinnar. Þessi skuld var reyndar tilkomin vegna þess að Haiti búar urðu að borga Frökkum skaðabætur fyrir að vera leystir úr ánauð, m.ö.o kaupa sér frelsi til þess eins að enda í skuldaánauð í staðinn.Reglulega hafa borist fréttir af matarskorti á Haiti, en sjaldnar fylgir sögunni að hann má rekja beint til þeirrar efnahagsstefnu sem var neytt upp á landið af IMF. Vegna skulda frá nýlendutímanum neyddist landið til að fara í gegnum formgerðaraðlögunarstefnu IMF (Structural Adjustment Program) þar sem Haiti var bannað að halda uppi innflutningstollum á matvælum á borð við hrísgrjón. Vegna stórfellds innflutnings á niðurgreiddum hrísgrjónum frá Bandaríkjunum fóru innfæddir hrísgrjónabændur umvörpum á hausinn. Þegar svo verð á hrísgrjónum og öðrum matvælum frá Bandaríkjunum hækkaði var innlend fæðuframleiðsla svo illa sett að endurtekinn fæðuskortur átti sér stað.

"A woman wipes her eye after being sprayed with tear gas by UN troops". Mynd frá Guardian.

Til að bíta hausinn af skömminni, og eins og ekki sé nóg lagt á eina þjóð en það sem frá hefur verið getið hér, þá hafa ýmis hægrisinnuð öfl og aðrir ofstækismenn borið fram tillögur um að notfæra sér ástandið til að hafa áhrif á bæði efnahag og stjórnmál Haiti, sjálfum sér til hagsbóta. Áhrifaríkir þankatankar á borð við The Heritage Foundation stukku til og hvöttu Bandaríkjastjórn til þess að nýta það tækifæri sem gæfist í kjölfar skjálftans til að koma „löngu tímabærum“ stjórnarfarsbreytingum í gegn á Haiti. Og fyrst bandaríski herinn væri á annað borð kominn til Haiti, gæti hann allt eins nýtt tímann (í stað þess að hjálpa bágstöddum) í það að trufla kókaínsendingar til Haiti frá Venesúela, reyna að minnka pólitísk áhrif frá Hugo Chavez, sem og að koma í veg fyrir að Haitibúar fari frá eyjunni til Bandaríkjanna á óöruggum bátum. Með þessu er líklega átt við að bandaríski herinn eigi að skjóta á allt sem hreyfist út frá strönd Haiti, því trúlega er örðugt að þekkja mun á saklausum fiskimönnum og stórhættulegum kókaínsmyglurum.

Það hljómar kannski óþarflega mikið eins og hér sé um hræðsluáróður að ræða, að Alþjóðagjaldeyrissjóðurinn, áhrifamiklir aðilar í Bandaríkjunum og stórfyrirtæki ætli sér að græða á ástandinu en því miður hefur sagan sýnt fram á að þetta á sér iðulega stað. Hér er hægt að nálgast meira efni um það.

Meira lesefni:

http://www.naomiklein.org

http://www.agoracosmopolitan.com/home/Frontpage/2008/07/21/02479.html

http://www.huffingtonpost.com/naomi-klein/the-shock-doctrine-in-act_b_77886.html

http://www.thenation.com/blogs/notion/517494/

Af fréttum má einna helst skilja að þau sem ákærð voru hafi ráðist á þingið, veist að fólki af ástæðulausu og bitið það af ásetningi. Ekki virðist heldur ljóst hvernig þessi meiðsl áttu sér stað. Réðust mótmælendurnir að þessum þingvörðum/lögreglumönnum og hrintu þeim eða bitu af hreinni mannvonsku eða voru þetta varnarviðbrögð þeirra við því að vera snúin niður?

Ennfremur kemur mjög óljóst fram hvernig atburðirnir áttu sér stað. Samkvæmt fréttum réðust mótmælendur á þingvörð sem var að reyna að loka dyrum. Ekki fylgdi sögunni að loka átti dyrunum til þess að meina mótmælendunum aðgang að þingpöllum, sem er réttur hvers einstaklings að fá að fara á. Svo virðist sem upp úr því hafi einhver mótspyrna átt sér stað af hálfu þingvarða sem reyndu að halda fólkinu frá því að komast á pallana. Afleiðingarnar urðu þær að einhver þingvarðanna slasaðist en þeir hafa hvorki þjálfun né getu í að halda fólki frá með líkamlegu valdi. Hvort það hafi verið rökrétt ákvörðun þingvarða að banna þessu fólki aðgang að pöllum Alþingis hefur ekki heldur komið fram í fréttaflutningi. Ef þeir hafa vald til að ákvarða hverjum skal hleypt inn og hverjum ekki hljóta þeir einnig að þurfa mannafla og/ eða aðbúnað til að standa við slíkar ákvarðanir. Í öllu falli ættu þeir að leita sér aðstoðar ráði þeir ekki við aðstæður.

Að kæra atburðinn skv. 100 grein hegningarlaga má teljast harkaleg nálgun á málinu. Sú grein virðist fremur eiga við um einhvers konar skipulagða árás á stofnunina Alþingi heldur en tilraun nokkurra einstaklinga til að nýta sér lögbundinn rétt sinn til þess að mæta á þingpalla. Þessi grein getur falið í sér allt frá eins árs fangelsisdómi til ævilangs dóms, séu „sakir miklar“. Hvað telst til mikilla saka virðist þá fara eftir mati dómara hverju sinni þar sem það er ekki nánar skilgreint.

Málið vekur ennfremur upp spurningar um tilgang þingpalla. Svo virðist sem fólk megi einungis fara þangað til að þegja og hlusta, líkt og einhver hafi löngun til að hlusta á fagurgala stjórnmálamannanna sér til ánægju. Sé tilgangurinn sá að veita þessum lagasetjandi gölurum aðhald með því að láta heyra í sér virðist sem það réttlæti það að dyrum sé skellt á viðkomandi.

Það sem eftir stendur er sú spurning hvers vegna þessu tiltekna fólki var ekki hleypt upp á pallanna þennan tiltekna dag? Þingverðir mega ákvarða hámarksfjölda fólks á pöllunum en ekkert segir til um að þeir hafi vald til að ákveða hverjir það eru sem fá að komast að. Ekki hefur komið fram hvort þingpallarnir voru fullir þegar loka átti fólkið úti. Því virðist fátt vitað um ástæðu þess að þessum einstaklingum var bannað að fara á pallana.Var þeim mætt með andúð og skellt á þau hurðum því þau litu út á einhvern afgerandi hátt? Komu þau inn með þann yfirlýsta tilgang að ætla sér ekki að þegja á pöllunum? Var ef til vill engum hleypt inn þegar þessi umræða átti sér stað og ef svo var, hvers vegna?

Aðfaranótt 16.desember var málningu slett á sendiráð Íslands í Kaupmannahöfn. Einnig voru máluð slagorð á borð við “Græn orka – tær lygi”, og “virkjanir og jarðorka fyrir álver ≠ græn orka”. Þetta er til að vekja athygli á því að það sé ekki til neitt sem heitir græn orka og síst af öllu sé orka “græn” ef hún er einungis notuð fyrir stóriðju.

Hinar fölsku lausnir sem beint hefurverið að fólki í Kaupmannahöfn felast meðal annars í notkun „grænnar orku“. Græn orka veldur líka mikilli eyðileggingu á jörðinni en mikið er reynt að breiða yfir það til þess að hægt sé að halda áfram kapítalískri iðnvæðingu, sem heldur áfram að gleypa allt það líf sem fyrirfinnst.

Í fréttatilkynningu á indymedia kemur fram að á COP15 megi greinilega sjá að grænt sé ekki litur náttúrunnar, heldur felulitur kapítalismans. Endar hún á viðvörun til Íslendinga um að misgjörða þeirra verði hefnt.

Nánari upplýsingar um falskar lausnir og “græna orku” er að finna hér.

Örstutt um fréttaflutning:

Athyglisvert er að skoða frétt rúv um málið, þar sem indymedia er átalið fyrir að taka fréttina beint upp úr fréttatilkynningu þeirra sem að verknaðinum stóðu. Benda má á að það er alls ekki einsdæmi að fréttir séu teknar nær beint upp úr fréttatilkynnningum. Það er einnig gert á rúv. Nokkrum dögum síðar er þar flutt frétt um að álverð fari hækkandi og því bætt við: “Þetta eru góð tíðindi fyrir Ísland”. Þetta er ágætt dæmi um það hversu gagnrýnislaus fréttaflutningur er ef hann kemur frá yfirvöldum og ráðandi orðræðu, en á sama tíma er allt átalið sem ekki fellur þeim að skapi.

Fyrr um daginn hafði fjölmörgum fulltrúum grasrótarhreyfinga á borð við Friends of the Earth og Vía Campesina verið hent út af opinberu ráðstefnunni, að sögn vegna ofbókunar. Líklegri ástæða er sú að þau hafi ekki verið að segja það sem valdameiri aðilar vildu heyra. Í kjölfarið hófu þau setumótmæli. Stuttu seinna reyna meðlimir þessara sömu samtaka að komast út til þess að sameinast fólkinu á almenningsþinginu en var meinaður aðgangur af lögreglunni og barinn aftur inn í Bella Center með kylfum. Þar var þeim hvorki hleypt inn á ráðstefnuna né leyft að fara út. Að auki var fréttamönnum bannað að tala við þessa útilokuðu fulltrúa. Hafa margir bent á að þessi atburður hafi verið táknrænn fyrir valdaójafnrétti heimsins.

Rétt undir lok loftslagsráðstefnunnar í Kaupmannahöfn kröfðust um 1.500 manns réttlætis og lýstu yfir stuðningi með þeim rúmlega 1.800 manns sem voru handteknir á meðan á ráðstefnunni stóð. Af þessum fjölda handtekinna voru einungis 16 einstaklingar ákærðir. Auk óbreytts almennings voru 26 götulæknar handteknir og fjölmargir blaða- og fréttamenn voru áreittir af lögreglunni. Fimm talsmenn Climate Justice Action (CJA) hafa verið handteknir undanfarna daga, sem virðist vera tilraun til að koma í veg fyrir að skilaboð þeirra komist til almennings. Í stuttu máli sagt var enginn óhultur fyrir ágangi lögreglu. Þetta segir móðir einnar stúlku sem var handtekin benda til mikils uppgangs fasisma, eins og kemur fram á http://indymedia.dk/. Þar má einnig nálgast nánari upplýsingar um atburðarrásina.

Fleiri myndir frá tilraunum ráðstefnugesta til að komast úr Bella Center og að almenningsþinginu:

Nota á hjólin þann 15.desember í mótmælagöngunni “Peoples summit for Climate Justice” sem endar á því að fara inn í Bella Center og breyta því í Loftslagsráðstefnu Fólksins en ekki Losunarheimildasamkvæmi Nýfrjálshyggjunnar.

Lögreglan réðst inn á vinnusvæði Bike Bloc án aðvarana og hóf að leita á öllum og einnig að einhverju í öllu húsinu, öðru en verkfærum gerir Svartsokka ráð fyrir. Allir innandyra jafnt sem utan var ýtt inn í húsið og hver og einn þurfti að gefa upp persónuupplýsingar. Aðspurð sagðist lögreglan ekki hafa heimild til að leita en stuttu eftir breytti frásögn sinni og sagði að einn lögreglumannan væri með hana. Það reyndist vera lygi.

Fólkið innandyra var látið standa kyrrt á meðan leitinni stóð og fékk ekki að fylgjast með því sem var að ske hjá þeim 100 lögregluþjónum sem voru inní húsinu. Lögreglan hélt leitinni áfram í nokkra klukkutíma í viðbót og endaði á því að taka með sér iPod, farsíma, plaggöt, pappíra, kalendar og þrjú reiðhjól. Einnig var einn þeirra handtekin fyrir að vera með vasahníf í vasanum sem hann var að nota á meðan hjólaviðgerðunum stóð.

Svartsokka undrast á því að það hafi ekki nema 100 lögreglumenn tekið þátt í þjófnaðnum í Candy Factory en ástæður þess eru skýrar; Hinir 4900 lögregluþjónarnir eru eflaust að brjóta niður hurðir hjá námsmönnum í Kaupmannahöfn og gera smjörhnífa, kúlupenna og grunsamlega prjónaða ullarsokka upptæka.

Lögreglan hefur handtekið tugi ásamt því að stoppa alla og hóta þeim öllu illu þegar gengið er út úr fríríkinu. Engum er hleypt inn eins og er. Táragasi var svo kastað stuttu seinna í innganginn og lögreglan réðst inn bakameginn.

Uppfærsla #1: Kveikt hefur verið í vegatálmunum fyrir utan og innganga lögreglunnar gert erfitt fyrir.

Uppfærsla #2: Lögreglan skaut táragasi inn í hvíta samkomu tjaldið og flestir handteknir og færðir í búrin með rútum.

Hundar

Lögregla

Á hlaupum

Lögregla og mótmælendur dansa saman

Sorg

Óþarfa harka í lögreglu, grípur í andlit og barka eins sem stendur í fjöldakeðjunni.

“Refugees, Migrants – Welcome. Shut down fortress Europe. No one is illegal”

Loftslagsbreytingar sem markaðshyggjan hefur ollið er stærsta orsök fólksflutnings milli svæða og mun aukast mikið á næsta áratug. Það eru ekki loftslagsbreytingarnar sjálfar sem orsaka þennan mikla flutning fólks heldur losunarheimildamarkaðurinn sem dregur ekki úr notkun jarðeldsneytis heldur eykur hana.

Stórfyrirtæki taka yfir heilu landsvæðin til þess að eingöngu að fá úthlutaðar losunarheimildir sem þeir selja svo til umhverfisspillandi fyrirtækja annarstaðar. Fólkið er platað í að skrifa undir pappíra, þeim er lofað gull og grænir skógar ásamt atvinnu fyrir alla fjölskylduna en svo er engu fylgt eftir. Það ráfar svo um, án lands til að búa á, jarðvegs til að rækta né atvinnu. Allastaðar í kringum þau eru landamæri sem loka á þau og yfirvöld landa í kring fram við þau eins og afbrotamenn.

Aðferðirnar til að framleiða carbon-credit eru margar en Svartsokka mun fara ítarlega í losunarheimildir á næstu vikum.

Svartsokka gengur nú niður Amagerbro og er umkringd tugi þúsunda kvenna, karla, kynlausra, margkynja, verkamönnum, flóttamönnum, innflytjendum og öðrum sem neita að láta þagga niður í sér og berst nú með öllum þeim sem hafa verið arðrænd og eru óvelkominn hvert sem þau fara.

“AAA… AAANTI…. ANTI CAPITALISTA “

“WE ARE HERE, WE WILL FIGHT, FREEDOM OF MOVEMENT IS EVERYBODY´S RIGHT”

Þar á eftir vorum við flutt í búrin. Einn í mínu búri fékk hræðslukast og ekkert var gert, fyrr en það leið yfir hann. Aðrir þurftu að fara á klósettið en því var ekki sinnt.” heldur hann áfram.

Einn þeirra handteknu tilkynnti að hann væri með sykursýki og þyrfti að fá lyfin sín úr töskunni sem lögreglan hafði gert upptæka. Hann fékk þau ekki og læknirinn á staðnum tilkynnti honum að þeir væru ekki með nein slík lyf. Þegar honum var sleppt 12 tímum seinna höfðu lyfin hans verið fjarlægð úr töskunni.

Þetta er aðeins brot af því sem gerðist og á næstu dögum munu fleiri mál koma upp þar sem lögreglan misnotaði vald sitt og braut gegn þeim ákvæðum sem sett voru fyrir ráðstefnuna.

Af þeim 1300 manns sem hafa verið handteknir eru fjórir í varðhaldi og sú tala getur aldrei afsakað slíka aðgerð. Það verður að vera samræmi milli þeirra upplýsinga sem þeir hafa um grunaða og þess fjölda sem þeir handtaka” heldur hann svo áfram.

Farið verður fram á að aðgerðir lögreglunnar verði rannsakaðar. Blaðamannafélög eru einnig byrjuð að undirbúa mál eftir að hundum var sigað á þá til að koma þeim frá vettvangi. Þetta er brot á þeim réttindum sem blaðamenn hafa til upplýsingamiðlunar.

“Danmörk hefur sýnt að þeir eru aðeins einu skrefi frá því að vera lögreglu ríki. Handtökurnar eru skýrt brot á sáttmála Sameinuðu Þjóðana um pyntingar” segir Tord Björk, talsmaður Friends of the Earth í Svíþjóð.

Þetta eru mjög slæmar aðstæður. Samkvæmt sáttmálanum verður fólk að fá að setjast og leggjast niður og möguleikann á því að sofna. Ekkert af þessu er mögulegt í þessum búrum. Hávaðinn er alltof mikill.

“Þetta eru niðurlægjandi aðstæður. Þetta er brot á dönskum og alþjóðalögum .” Segir Lars Norman Jorgensen, framkvæmdarstjóri Amnesty.

“Við gerum okkur fulla grein fyrir því að það verða einhver læti, en er þá ekki óþarfi að öskra og góla þegar maður er kominn inn?” segir lögreglustjórinn Rasmus Bernt Skovsgaard.

Fólk hrópaði á ýmsum tungumálum fyrir fram fangelsið í Valby. Ræðuhöld með tónlist á milli hafa sett svip sinn á mótmælin fyrir framan fangelsið og mun halda áfram fram eftir nóttu. “Lýðræðinu er nauðgað þegar fólk er svipt frelsi sínu með þessum hætti” segir einn ræðuhaldaranna og talsmaður Solidarity Initiative.

Nú hefur lögreglan lokað leiðinni að fangelsinu með bílum og lögreglumönnum og fólkinu er haldið í 25 metra fjarlægð. Aðstandendur létu það ekki á sig fá og brutu niður hindranir lögreglu og nokkrir hafa verið handteknir í viðbót.
Það er mikið áhyggjuefni að lögreglan hefur leyfi til þess að handtaka um þúsund manns án gruns um glæpsamlega hegðun. Hverja er lögreglan eiginlega að verja? Munum við sjá lögregluna beita fleiri Preventive Arrests á næstunni? Munu fjölmiðlar sjá til þess að Preventive Arrests verði hluti af orðræðunni og almenningsálitið taki það í fóstur?

968 manns voru handteknir sunnudaginn 12.desember í friðsömum mótmælum á Loftslagsráðstefnu Sameinuðu Þjóðanna í Kaupmannahöfn.

Ný atvik hafa þó átt sér stað. Sjónarvottar stigu nýlega fram og sögðu frá spörkum sem lögregluþjónar létu dynja á sumum þeirra meðan þau sátu. Einnig missti einn lögreglumaðurinn stjórn á hundinum sínum sem slapp frá honum og hlóp geltandi geðsýkislega í kringum sitjandi fólkið sem hvorki gat hreyft sig né sett fyrir sig hendurnar.

Margir eru nú saman komnir í kringum Amagerbrogade og heimta að fólkinu verði sleppt. Fólk er einnig á leiðinni að minkabúrsgeymslunum til að koma fólkinu út.

“Við erum reið, það er kalt og við munum gefa skít í andlitshuluákvæðið ykkar. Ofbeldi af hendi ríkisins og handtökur saklausra borgara verður ekki liðið” er sagt á modkraft.dk

Lögreglan tilkynnti engum að handtökur væru yfirvofandi heldur réðust inn í göngunna og tóku fólk niður. Eldra fólk og börn voru í hópnum. Fólk fékk ekki tækifæri til að taka niður treflana né færa sig heldur kom þetta allgjörlega úr heiðskýru lofti.

Nú eru 3 klst síðan þau voru handtekin og enn sitja þau í -3 gráðu frosti eins og hjörð í klofi hvors annars. Öllum klósettferðum hafa einnig verið neitað.

uppfærsla: Fólki er loksins hleypt á klósettið.

http://cop15live.com/

Auglýst dagskrá í dag er sem hér segir:

12:00 – 13:00: Tónlist og ræður frá upphafspunktinum í Cristiansborg. Fjöldafundurinn hefst.

13:00: Gengið er frá torginu í Cristiansborg og stoppað á eftirfarandi stöðum:

13:15: Christianshavn Torv

14:00: Frankrigsgade Kirke

15:00: Sundby Idraetsplads

16:00 – 17.30: Kveikt á kertum við Bella höllina og ræðuhöld hefjast.

Klukkan 13:00 hefst mótmælagangan vegna Loftslagsráðstefnu SÞ í Kaupmannahöfn. Gert er ráð fyrir um 50 þús kvenna, karla, kynlausra og margkynja, sem koma frá 67 löndum og eru hluti af 513 hreyfingum. Þetta eru aðeins þau sem tilkynntu komu sína.

Þessar hreyfingar standa flestar fyrir andófi af einhverju tagi. Sem dæmi þá mun CJA, eða Climate Justice Action, mun “flæða” í gegnum strætin og Bike Bloc munu mæta á sérsmíðuðum Hópreiðhjólum og þannig ryðja veginn.

Hver veit hvað hinar 511 hreyfingarnar munu gera en það mun allt koma í ljós á næstu 12 tímum. Sumar hreyfingarnar eru að undirbúa sig fyrir átök aðrar hvetja til friðsamlegra mótmæla. Í dag hefur lögreglan þegar handtekið u.þ.b. 50 manns sem eru eflaust geymd í nýstárlegum minkabúrum sem Svartsokka skrifaði um fyrir stuttu. Sum þeirra með spraybrúsa og aðrar með trefil fyrir andliti. Lögreglan gerði einnig allar gasrímur fréttamanna upptækar. “Verður að ganga jafnt yfir alla” segja þeir.

Munum hversvegna við erum hérna. Nóg er komið af Cap and Trade sem var markaðshugmynd frá upphafi. Sá blekkingarleikur um að losunarheimildamarkaðurinn sjái um minnkun koltvísýrings í loftinu er lokið. Nú verður ekki fleira fólki ýtt út í jaðar svo hægt sé að ryðja land og búa til koltvísýrings-vaska og selja þannig nýjar losunarheimildir til mengandi stórfyritækja sem ekki vilja taka ábyrgð á þeim skaða sem þau hafa nú þegar ollið.

Við erum fólk, við erum dýr, við erum jörðin og við munum svara fyrir okkur!!

„Spónarplöturnar, sem búið að var að saga niður í skildi, má nota í borgararlegri óhlýðni, og það verður ekki liðið“ segir yfirmaður dönsku lögreglunar sem augljóslega vill ekki að kylfurnar verði fyrir neinu hnjaski í ofbeldinu sem þeir munu beita á næstu dögum.

Svartsokka bíður ítarlegri fregna af innrásinni og mun skrifa meira um málið um leið og þær berast.

Háþrýstibyssan í notkun. Þetta er vatn.

Danska lögreglan er búin að vera að vígbúa sig undanfarna mánuði í aðdraganda loftslagsráðstefnunnar. Nýjasta viðbótin er háþrýstibyssa sem einnig má fylla af táragasi, sýnist yfirvöldum svo.

Einnig er búið að útbúa tímabundna “varðhaldsaðstöðu” þar sem hægt er að koma fyrir hundruðum einstaklinga og láta þá dúsa þar í allt að tólf tímum án ákæru. Fangabúðirnar má sjá á myndinni hér að neðan. Ekki veitir af plássinu því leyfilegt er að handtaka hvern þann sem er staddur á mótmælum sem leyst eru upp af lögreglunni og er augljóslega gert ráð fyrir því að fjöldahandtökur muni eiga sér stað.

“Við viljum ekki vera í stríði við neinn“, sagði lögregluforinginn Per Larson og tók með því undir orð fjölmargra afganska og írakskra barna. „en við munum bregðast við því ef eitthvað óviðunandi á sér stað. Þetta er ekki hótun heldur upplýsingar til neytenda^[1]“. Hvaða neytendur lögreglufulltrúinn átti við er óljóst enda sjaldgæft að fólk sækist eftir að „neyta“ vatns úr háþrýstibyssu.

Tímabundin varðhaldsaðstaða í Kaupmannahöfn. Eins og sjá má er húsnæðið til fyrirmyndar og á við besta hundahótel.

Vopnaframleiðendur hafa undanfarið haft áhyggjur af því að byssueign í Bandaríkjunum sé að minnka. Því hafa verið settar af stað auglýsingaherferðir sem beint er að börnum í þeim tilgangi að auka kaup á byssum. Byssueign í Bandaríkjunum hefur dregist saman undanfarna áratugi og er nú einungis byssur á þriðja hverju heimili. Þetta þykir vopnaframleiðendum og NRA slæm þróun og beina því sjónum sínum að því að auka áhuga barna á skotvopnum, meðal annars með tímaritum á borð við þetta.

Vopnaframleiðendur hafa undanfarið horft sérstaklega til þess beina markaðssetningu sinni að börnum til þess að hug og hjörtu þeirra strax á unga aldri. Talað er um nauðsyn þess að „fjárfesta“ í börnum til þess að þau geti orðið neysluóðir byssubjálfar er þau vaxa úr grasi. Vopnaframleiðendur hafa komist að því að börn séu nauðsynlegur þáttur í því að viðhalda „réttindum“ skotvopnaeigenda til þess að bera vopn.

Í þessum tilgangi hafa verið sett upp byssumót fyrir börn á aldrinum 8 til 12 ára, sem og ókeypis námskeið þar sem börnum er kennt að handleika skammbyssur og vélbyssur. Eina skilyrðið er að það sé undir eftirliti fullorðinnar manneskju með réttindi til að leiðbeina fólki um skotvopn. Þess má geta að 29 þúsund börn undir átján ára aldri hafa látið lífið undanfarinn áratug vegna notkunar skotvopna. Þessi dauðsföll eiga sér einnig stað undir eftirliti, eins og í tilfelli átta ára drengs sem óvart drap sig í fyrra eftir að hafa verið rétt hlaðin uzi vélbyssa af leiðbeinanda á skotvopnanámskeiði.

Borgarastyrjöldin í Sierra Leone geisaði í áratug. Af um fimm milljónum íbúa þurfti ein milljón þeirra að flýja heimili sín.

Hælisleitandinn Henry Turay er nú búinn að vera í felum í fimm daga en hann hefur farið huldu höfði síðan stjórnvöld tóku ákvörðun um að vísa honum úr landi. Ljóst er að íslensk stjórnvöld hafi ekki tekið mál Henry fyrir áður en ákvörðun um brottvísunina var tekin.

Í tilkynningu sem Henry sendi frá sér segir að, þrátt fyrir ýmsa erfiðleika, sé skárra að vera í felum en vera sendur úr landi. Hann biðlar til yfirvalda að taka mál sitt fyrir þar sem hann þurfi að fá að njóta sinna grundvallar mannréttinda eftir að hafa verið á flótta í þrettán ár. Henry segir í tilkynningu sinni að hann muni berjast fyrir þessum réttindum sínum þar til yfir líkur.

Henry Turay flúði land þegar hann var 11 ára, eftir að móðir hans var drepin í borgarastyrjöldinni í Sierra Leone sem stóð yfir frá 1991-2000.Talið er að um 50.000 manns hafi látist í þeim átökum og margfalt fleiri neyddust til að flýja heimili sín. Þar að auki voru um 10.000 börn neydd til þess að berjast í Sierra Leone á þessum árum. Ástæður borgarastyrjaldarinnar má einna helst rekja til spillingar stjórnvalda í tengslum við demantaviðskipti. Eftirspurn eftir glingri á Vesturlöndum hefur því bein áhrif á líf fólks á borð við Henry Turay.

Yfirlýsing Henry frá því að hann fór í felur þann 19.nóvember:

I, Henry Turay, refugee from Sierra Leone hereby declare that I have gone into hiding and do not plan to come out again until the Icelandic authority grants me an asylum, or at the very least insure me that my case will be taken up here in Iceland. Ones my application for asylum was rejected by the immigration authority (Útlendingastofnun)after only a month stay the red cross assisted me in appealing against the decision and my files were sent to the ministry of justice and human rights.

Today, the 18th of November, only a week after my appeal the police tried to arrest me for a deportation to Germany or worse yet, Sierra Leone. I believe this police action was highly illegal as the ministry can not in any seriousness have considered my case in such a short time.

My life is in a great danger at the moment because of the lack of human rights, high crime rate, corruption and violence in my country of origin. I escaped from my home country at the age of 11 after my mother was murdered during the civil war. I have spent more than 8 years in Europe without permit to stay and lived as a refugee for 13 years.

I have no family, no connections or relations in Sierra Leone. In fact I have spent most of my life out of the country. Iceland is my home now, I want to stay here. I urge the Icelandic government to take up my case again and grant me an asylum. Until then I shall stay in hiding.

Frumgerðin verður byggð í Bristol, Englandi en lokaútgáfan í Kaupmannahöfn.

Nýja farartækið vonandi ryður veginn fyrir öllum þeim sem vilja stöðva þetta náttúruviðskiptabrask sem mun eiga sér stað á COP15 ráðstefnunni eftir rúmlega 2 vikur.

Hægt er að lesa meira um aðgerðina hér

Ef þú býrð í Kaupmannahöfn og átt ónýtt hjól sem þú vild leggja í þessa aðgerð þá getur þú farið með það í The Candy Factory, Lærkevej 11, 2400 NV. (næsta lestarstöð er Nørrebro).

Uppáhaldsvinur minn sko..

Fyrr í dag endursýndi RÚV myndina Consuming Kids: The Commercialization of Childhood , sem fjallar um áhrif auglýsinga á börn. Myndin er afar áhugaverð að því að leyti að farið er dýpra í áhrifamátt auglýsinga en skyndibitatrikkið þar sem nýjasta Walt Disney leikfangið er sett í barnabox.

Í myndinni er minnst á vettvangsrannsóknina, scientific stalking, þar sem markaðsfræðingar fara með börnum í verslanir og fylgjast með hvernig þau velja í innkaupakörfuna. Auðvitað velur barnið Skúbídú kexið því það veit að það er betra á bragðið. Einnig er talað um rannsóknir þegar farið er inn á heimili og farið er yfir fataskápa barna og fylgst með þeim í baði svo hægt sé að hanna nýja þörf fyrir börnin þar. Svo er fjallað um hvernig sköpunargáfur barna eru bældar þegar krakkar geta ekki lengur leikið sér í þykjustuleik því þau eiga ekki alvöru Spiderman búning sem er seldur í Toys´r-Us. Aldur stúlkna sem verða fyrir eituráhrifum popkúltúrsins fer einnig lækkandi og nú vilja börn allt niður í fjögurra ára klæðast magabolum og mála sig áður en þau fara í leikskólann. Neyslusérfræðingar skella svo að lokum allri ábyrgð á foreldra. En það eru víst foreldrar sem eiga að sjá um að ala upp börnin sín. Hvað gerist þá þegar börnin eru ekki með foreldrum sínum?

Tveim dögum eftir að myndin var fyrst sýnd tók RÚV viðtal við Friðrik Eysteinsson, aðjúnkt í Markaðsfræði við viðskiptafræðideild HÍ, þar sem hann fullyrðir að ENGAR rannsóknir hafa sýnt fram á að auglýsingar fyrir og eftir barnaefni í sjónvarpi hafi neysluhvetjandi áhrif á börn. Þetta viðtal er gert í kjölfar tillögu til breytinga á auglýsingaefni beint að börnum 5 mínútum fyrir og eftir barnaefni í sjónvarpi.

Svartsokka vil benda Friðriki á þessa rannsókn, þennan vef, þessa, þessa og þessa rannsókn ef þær skyldu nú óvart hafa farið framhjá honum.

En auðvitað þarf Svartsokka ekki benda honum á þessar rannsóknir því þessi fullyrðing hans fellur algjörlega um sjálfa sig. Ef auglýsingar beindar að börnum hefðu engin neysluhvetjandi áhrif, afhverju er þá barist um að sýna þær í kringum barnatímann?

Þriðjudaginn.17.nóv sýnir Öskra: Breaking the Spell

Nú eru tíu ár liðin frá fundi alþjóða viðskiptastofnunarinnar (WTO)  í Seattle í Bandaríkjunum. Fundurinn var alls ekki sú upphafning á fríverslun og fjármagni eins og til stóð því þúsundir manna lögðu leið sína  til Seattle í þeim tilgangi að stöðva gengdarlausa græði og yfirgagn kapítalsins. Fólkinu tókst algjörlega að trufla ráðstefnuna með því að loka götum og byggingum, marsera um strætin í sameiningu og láta ekki að stjórn. Seattle var suðupottur hreyfinga sem berjast gegn ofbeldisfullri og einsleitri menningu auðmagnsins.

Í Breaking the Spell eru mótmælin skoðuð útfrá aðgerðum anarkista og annarra róttækari hópa sem gera sér grein fyrir að meira þarf en skiltaburð og þegnhlýðni ef ná á fram réttlátu samfélagi. Fylgt er eftir umfjöllun um nokkra anarkista frá Eugene, Oregon, markmiðum þeirra og hugmyndum um þær mótmælaaðferðir sem þeir beittu í Seattle.

Þriðjudagur 20.okt
Háskóli Íslands
Oddi, stofa 101
kl 19:30

—-

Every other Tuesday Öskra!- The Movement of Revolutionary Students will show radical films about people´s resistance against the forces responsible for violence, domination of human society, destruction of the planet, wars, oppression and inequality. The shows are in the University of Iceland in the building Oddi, room 101 and starts at 19:30

Tuesday the 17th of November :  Breaking the Spell

Now there are ten years since the WTO meeting in Seattle. The meeting was not the celebration of free-trade and kapital as originally planned because thousunds of people came to Seattle to stop the endless greed and encroachment of kapitalism. The conference was shut down as people blockaded streets and buildings, marched through the streets. In Seattle a global movement for social change came together to fight the violent monoculture of kapitalism.

In Breaking the Spell the protests are viewed througt the eyes of anarkists and other radical movements who understand that in the struggle for social change more is needed than holding a sign. The film focuses on anarchists from Eugene, Oregon, their goals and methods used in Seattle.

Tuesday 17th of November
University of Iceland
Oddi room 101
at 19:30

Athugasemdakerfi hafa gert mikinn óskunda á Íslandi síðustu ár. Ekki vegna þess að margir hafa orðið fyrir árásum heldur því það gefur fólki færi á því að koma sínum skoðunum á framfæri hvar sem er án þess að þurfa að styðja þær í verki. Fólk virðist dirfast þess að hanga á Smettisbókinni allan liðlangan daginn þegar yfirmenn krefjast þess að þeir vinni að skapandi störfum eins fara yfir lagerstöðu fyrirtækisins, sannfæri fólk um yfirdráttarfagnaðarerindið eða annan óbjóð sem fyrirfinnst í atvinnustarfsemi nýfrjálshyggjunnar. Svartsokka hefur þó mikla samúð með þessum einstaklingum því þeir hafa engan samastað fyrir skoðanir sínar. Varla fær þetta fólk leyfi úr vinnunni á miðjum degi til þess að slátra þeirri siðmenningu sem kom þeim þangað upphaflega. Það virðist vera borin von fyrir þessa þræla að láta heyra í sér annars staðar en á bloggsíðum og kommentkerfum fjölmiðla.

Svartsokka vil endilega koma á framfæri rödd þeirra sem hafa eitthvað til málanna að leggja og hvetur lesendur til að senda inn texta í lesendabréfið sem hægt er að skoða hér.

Netfangið er svartsokka (hjá) svartsokka.org

Aktívistar í Palestínu tóku sig til sl. mánudag og rifu hluta af aðskilnaðarmúrsins sem byggður hefur verið milli Ísraels og Vesturbakkans í Palestínu. Um 150 manns tóku þátt í aðgerðinni. Múrinn var rifinn nálægt borginni Ramallah. Eftir stutt átök milli ísraelskra hermanna og aðgerðasinnanna náði herinn að dreifa hópnum með táragasi.

Mánudagurinn markaði upphaf samstöðuviku gegn aðskilnaðarmúrnum, sem er enn ein til raun Ísraela til að einangra palestínsku þjóðina og gera líf Palestínumanna illmögulegt. Víða lokar múrinn á möguleika fólks til að sjá sér farboða, þar sem mikið af ræktarlandi í Palestínu lendir hinum megin við múrinn. Múrinn er því notaður til þess að taka enn meira landsvæði af Palestínumönnum, en þess má geta að á milli hans og ísraelsku landamæranna eru um einn tíundi alls lands á Vesturbakkanum og um 35.000 Palestínumenn búa „vitlausu megin“ við múrinn, það er í einhvers konar einskis manns landi á milli hans og ísraelsku landamæranna. Stærð landsins sem lendir Ísraelsmegin við múrinn segir heldur ekki alla söguna því oft er um gott ræktunarland að ræða og landið er tekið með hagsmuni ísraelskra landtökubyggða í huga.

Aðskilnaðarmúrinn var byggður undir því yfirskini að vera „öryggisráðstöfun“, með það að leiðarljósi að loka meinta hryðjuverkamenn öðrum megin múrsins. Hann er því einstaklega augljóst dæmi um þær aðferðir sem stjórnvöld grípa til í þeim tilgangi að tryggja „öryggi“, en það er að loka fólk frá hvoru öðru, svelta það, einangra og koma í veg fyrir að nokkurs konar samræður eða samstaða geti átt sér stað. Í stað þess að reyna að stuðla að betri aðstæðum fólks og gera því kleift að lifa mannsæmandi lífi er allt gert til þess að sundra því með hræðlsuáróðri og lygum. Það versta sem við getum gert er að trúa lygunum og hræðast það fólk sem reiðist yfir ranglæti og heimsku. SAMSTAÐA GEGN AÐSKILNAÐARMÚRNUM!

Hér má sjá myndband af aðgerðinni á mánudaginn:

En hvers vegna eru stúdentar að berjast gegn markaðsvæðingu menntunar? Er ekki bara fínt að einhver fyrirtæki séu tilbúin til að borga fyrir fína skjávarpa og upphituð strætóskýli?

Hér á landi hefur lítil gagnrýnin umræða farið fram um markaðsvæðingu menntunar. Það er kannski ekki síst vegna þess að það er svo góðri dúsu stungið upp í fólk þegar kemur að henni; með markaðsvæðingu er hægt að kenna fleiri kúrsa, við fáum ódýran bjór, það eru flottari fyrirlestrarsalir til staðar, nemendafélögin hafa efni á strippurum í partíin, rassinn frýs ekki af okkur meðan við bíðum eftir strætó, við verðum öll heilalausar bikkjur.

En hvað kostar markaðsvæðingin stóran hluta af gagnrýnni hugsun? Hvernig eiga kennarar að gagnrýna stórfyrirtæki ef þau borga launin þeirra? Hvernig er hægt að ástunda gagnrýna hugsun gegn aðilum sem styrkja menntunina sem á að ýta undir þessa gagnrýni? Hvernig geta stúdentar gagnrýnt mannréttindabrot Rio Tinto á sama tíma og stúdentablaðið tekur við styrkjum frá því? Hvernig geta stúdentar auglýst Goldfinger^[1] og á sama tíma gagnrýnt sölu á mannslíkömum? Geta kennarar fengið launaávísun sína frá Landsvirkjun og fjallað um fyrirtækið á hlutlausan eða gagnrýninn hátt?

Það eru nánast allir sammála um það að eigendur fjölmiðla hafi áhrif á það hvernig fréttaflutningur er framkvæmdur. Hvernig geta nemendur og stúdentaráð gleypt við því að markaðsvæðing innan háskólans geti ekki haft áhrif á það hvernig menntun við fáum – og þar af leiðandi á hvernig við hugsum?

Dæmi um andóf gegn markaðsvæðingu innan HÍ:

^[1] Auglýsingar frá Goldfinger hafa á undanförnum árum birst í blöðum nokkurra nemendafélaga við HÍ.